Exeria levan dende 2021 tocando por toda Galicia, gravando videoclips, participando en concursos, entrevistas... meténdose onde lles deixan en poucas palabras..

No 2024 foron escollidos para formar parte das "Sesións de sobremesa", un formato acústico e en directo ao estilo de “Tiny Desk” e composto por 2 cancións inéditas con arranxos influenciados polo trad. Deste xeito a contundencia da batería vese substituída pola sutileza das percusións, as guitarras acústicas enchen o ambiente de e as harmonías destacan no ámbito vocal. Este traballo levounos a re-interpretación das súas cancións en formato acústico.

Comezaron este ano a xira acústica en Salceda de Caselas, seguido de Ferrol e Bertamirans, sen esquecer o concerto que deron no Auditorio municipal de Ponteareas, con convidadas especiais e incluíndo arranxos do mais variado. Na Casa de arriba traen este son tan concreto e veñen a demostrar o seu ben facer.